വാദം: നിഖ്യാ സുനഹദോസിൽ ആണ് യേശുവിനെ ദൈവപുത്രനാക്കിയതും അതുവരെയുള്ള ബൈബിളുകൾ കത്തിച്ചു കളഞ്ഞ് പുതിയ സുവിശേഷങ്ങൾ രചിച്ചതും.
മറുപടി: നിഖ്യാ സൂനഹദോസ് ഏഡി 325ൽ ആയിരുന്നു. അതായത് മുഹമ്മദ് ജനിക്കുന്നതിന് മൂന്ന് നൂറ്റാണ്ട് മുൻപ് ഇൻജീൽ നഷ്ടപ്പെട്ടു പോയി എന്നാണ് വാദം. അതായത് ഏഴാം നൂറ്റാണ്ടിൽ ഖുറാൻ അവതരിക്കുമ്പോൾ ക്രിസ്ത്യാനികളുടെ കയ്യിൽ ഉള്ള ഇൻജീൽ വെറും ഫ്രോഡ് ആണ്.
ഇനി ഖുറാൻ എന്താണ് പറയുന്നത് എന്നു നോക്കാം.
(5:47) "ഇഞ്ചീലിന്റെ അനുയായികള് അല്ലാഹു അതിലവതരിപ്പിച്ച നിയമമനുസരിച്ച് വിധി നടത്തട്ടെ. ആര് അല്ലാഹു അവതരിപ്പിച്ച നിയമമനുസരിച്ച് വിധി നടത്തുന്നില്ലയോ, അവര് തന്നെയാകുന്നു അധര്മികള്."
(4:47) "ഹേ വേദഗ്രന്ഥം നല്കപ്പെട്ടവരേ, നിങ്ങളുടെ പക്കലുള്ള വേദത്തെ സത്യപ്പെടുത്തിക്കൊണ്ട് നാം അവതരിപ്പിച്ചതില് നിങ്ങള് വിശ്വസിക്കുവിന്"
(5:48) "(നബിയേ,) നിനക്കിതാ സത്യപ്രകാരം വേദഗ്രന്ഥം അവതരിപ്പിച്ച് തന്നിരിക്കുന്നു. അതിന്റെ മുമ്പിലുള്ള വേദഗ്രന്ഥങ്ങളെ ശരിവെക്കുന്നതും അവയെ കാത്തുരക്ഷിക്കുന്നതുമത്രെ അത്.( അതിനാല് നീ അവര്ക്കിടയില് നാം അവതരിപ്പിച്ച് തന്നതനുസരിച്ച് വിധികല്പിക്കുക. നിനക്ക് വന്നുകിട്ടിയ സത്യത്തെ വിട്ട് നീ അവരുടെ തന്നിഷ്ടങ്ങളെ പിന്പറ്റിപോകരുത്. നിങ്ങളില് ഓരോ വിഭാഗത്തിനും ഓരോ നിയമക്രമവും കര്മ്മമാര്ഗവും നാം നിശ്ചയിച്ച് തന്നിരിക്കുന്നു. അല്ലാഹു ഉദ്ദേശിച്ചിരുന്നെങ്കില് നിങ്ങളെ അവന് ഒരൊറ്റ സമുദായമാക്കുമായിരുന്നു."
അതായത് ഖുറാന്റെ നിലപാട് അനുസരിച്ച് ഒറിജിനൽ ഇൻജീൽ നിഖ്യാ സൂനഹദോസിന് മുന്നൂറ് വർഷത്തിന് ശേഷവും നിലവിലുണ്ട്.
മാത്രമല്ല ഖുറാന്റെ നിലപാടിൽ ഇൻജീലീന്റെ അനുയായികളായ ക്രിസ്ത്യൻ സമുദായത്തെ സംബന്ധിച്ച് ഖുറാന്റെ അവതരണത്തിന് ശേഷം പോലും ആ ഇൻജീൽ ആധികാരികവും ആണ്.
ഇവിടെ കാണുന്ന വാദത്തിൽ മൂന്നാം നൂറ്റാണ്ടിൽ ഇൻജീൽ കത്തിച്ചു കളഞ്ഞു ഫേക്ക് മതത്തിലേക്ക് മാറിയവരാണ് ക്രിസ്ത്യാനികൾ. അപ്പോൾ അവരെ ഏഴാം നൂറ്റാണ്ടിൽ ഖുറാൻ "അഹ്ലുൽ കിത്താബ്" എന്നു വിളിക്കുന്നത് പോലും തികച്ചും പരിഹാസ്യമാണ്.
ഖുറാനെ വെല്ലുന്ന ഇനം മുസ്ലിം ആയി മാറുകയാണോ ചിലർ?
