"ഫാഷിസ്റ്റ് കടന്നു കയറ്റത്തെ ചെറുത്ത സോവിയറ്റ് പ്രതിരോധം"

ഹിറ്റ്ലറും സ്റ്റാലിനും സഖ്യകക്ഷികൾ ആയിട്ടാണ് 1939 ൽ രണ്ടാം ലോകയുദ്ധം ആരംഭിച്ചത്. പറഞ്ഞുറപ്പിച്ചത് പ്രകാരം രണ്ടുവശങ്ങളിൽ നിന്നും അവർ പോളണ്ടിനെ കയ്യേറി. ഇതിൽ നാടകീയമായ ഒരു ഭാഗം, മുൻകൂർ പറഞ്ഞു ഉറപ്പിച്ച പ്രകാരം ബ്രെസ്റ്റ് നഗരം ഹിറ്റ്ലർ സോവിയറ്റുകള്ക്ക് കൈമാറി. അതിന്റെ ഭാഗമായി സോവിയറ്റ് പടയും നാത്സി പടയും ഒരുമിച്ച് പരേഡ് നടത്തി. നാത്സി സൈന്യം സോവിയറ്റ് ഓഫീസർമാർക്ക് സല്യൂട്ട് കൊടുക്കുന്ന സീൻ ഒക്കെ ഫോട്ടോ ഉണ്ട്.

യുദ്ധത്തിന്റെ മൂന്നിൽ ഒന്നു സമയം ഹിറ്റ്ലർ സ്റ്റാലിൻ ഭായി-ഭായി ആയിരുന്നു. ജർമ്മൻ സാങ്കേതിക വിദ്യയ്ക്ക് പകരമായി പാശ്ചാത്യരെ ആക്രമിക്കാനുള്ള പല വിഭവങ്ങളും ഹിറ്റ്ലർക്ക് കൊടുത്തത് സോവിയറ്റ് യൂണിയൻ ആണ്. 1940 ൽ ഒരു സമയം ഔദ്യോഗികമായി സോവിയറ്റ് യൂണിയൻ ആക്സിസ് സഖ്യത്തിൽ ചേരുന്നതിനെപ്പറ്റി ചർച്ച നടന്നിരുന്നു.

1941 ൽ ഹിറ്റ്ലർ സോവിയറ്റ് യൂണിയനെ പിന്നിൽ നിന്നും കുത്തുന്നത് വരെ ഇത് തുടർന്നു. അതിനാൽ പണ്ട് സോവിയറ്റ് യൂണിയനും ഇപ്പോൾ റഷ്യയ്ക്കും രണ്ടാം ലോകയുദ്ധം തുടങ്ങിയത് 1941 ൽ മാത്രമാണ്. അതിന് മുൻപുള്ള രണ്ട് വർഷം മായ്ച്ചു കളഞ്ഞു.

ഇതൊക്കെ ആണ് സോവിയറ്റ് യൂണിയന്റെ ഫാഷിസ്റ്റ് വിരുദ്ധ പോരാട്ടം. ഹിറ്റ്ലറുടെ "നാഷണൽ സോഷ്യലിസം" (നാത്സിസം) പാശ്ചാത്യരുടെ ബൂർഷ്വാ കാപ്പിറ്റലിസത്തേക്കാൾ ഭേദമാണ് എന്നു സോവിയറ്റ് അധികാരികൾ പറഞ്ഞു നടന്ന രണ്ട് വർഷങ്ങൾ.